講左好耐找安叔叔剪頭髮,等左4年,今次終於成事了....

今次呢個決定,係Meagan忍受唔到自己每次洗完頭,都要花上不小時間去吹乾, 而且她說要剪到好短,好短,好似Daddy咁....再加上現在唔鍾意紮頭髮,厚厚的頭髮實在似一張披肩喇~~

出發前,被Mommy由說 [洗頭好舒服架,又唔會正到對眼....] 結果去到既時候, Meagan跟我細細聲講 [我都係唔洗頭喇....]

最後,在我洗緊頭既時候,格離位既Meagan也被安叔叔不知用什麼方法,也誘來了......我想也要多得身旁的一位肥哥哥一路在跟Meagan玩吧~~

剪髮前,點解會有個咁既表情呢?? 是否在計劃剪一個怎麼樣的髮型呢?

有d緊張咁啵.....無錯,Meagan隻手就在斗篷下拖實Mommy的手

這個新髮型,我地都有d睇唔慣,而且她跟家姐姐一樣,同是天生彎的髮質,加上黑黝黝的顏色,看上去好似一個假髮 !!

晚上,Meagan [唔知聽日婆婆見到,會唔會鬧我呢 ??]

(因為婆婆一向認為,留長d頭髮,梳起上黎比起d唔長唔短既髮型容易打理,原來不知不覺也令Meagan有了一種壓力)

婆婆知道了 [都好好睇丫, 又易打理......]